Stories & gedigte deur 'n dokter-vrou-mamma. Kom lees, lag & huil saam oor die uiterstes van ma-wees. – Alyssa Loftus ♡
Jy laat my lag
Jy laat my huil
Ek sal jóú
vir niks verruil
Jy laat my dans
Jy laat my sing
Jy laat my huppel
in ‘n kring
Jy laat my speel
Jy laat my wonder
Hoe het ek óóit
geleef daarsonder:
Jou stywe drukkies
Jou “hoekom”-vrae
Jy laat my wens
vir langer dae…
gekonfronteer deur mortaliteit,
‘n tydelike bestaan en onsekerheid
te veel omgee oor wat mense dink
word toegeskryf aan “menslikheid”
ware vryheid om net te kan wees
vind gemoedsrus, oorwin die vrees.
Genade onbeskryflik groot
het jou aan my toevertrou
‘n mamma-hart – onwetend leeg
en toe ontmoet ek jou:
jy vul my diepste leemtes
met lag en lief en lééf
met speel en leer en vertroue
word ons harte aanmekaargeweef.
