Posted on

MY KIND

Jy laat my lag
Jy laat my huil
Ek sal jóú
vir niks verruil

Jy laat my dans
Jy laat my sing
Jy laat my huppel
in ‘n kring

Jy laat my speel
Jy laat my wonder
Hoe het ek óóit
geleef daarsonder:

Jou stywe drukkies
Jou “hoekom”-vrae
Jy laat my wens
vir langer dae…

Posted on

LEWE

gekonfronteer deur mortaliteit,
‘n tydelike bestaan en onsekerheid
te veel omgee oor wat mense dink
word toegeskryf aan “menslikheid”
ware vryheid om net te kan wees
vind gemoedsrus, oorwin die vrees.

Posted on

SAAM

Sáám kan ons berge versit. Sáám kan ons oorwin. Sáám kan ons die wêreld verander. Een goeie daad op ‘n slag. Een glimlag op ‘n slag.

Moenie toelaat dat enige iemand (dis eintlik net die vyand) jou minderwaardig laat voel nie. Jy is uniek. Met al jou talente en gawes en letsels en tekortkominge en foute en al.

Ons het mekaar nodig.

Sáám.

Vrede, liefste mammas
♡

Asseblief hou op
om jouself te vergelyk
Jy’s uniek en mooi
As mens binne kyk:
Jy is dapper
Jy is sterk,
Elke letsel
Elke merk –
skets in detail
jou verlede
Jy’t gekom tot híér
vir ‘n rede
Tree nader aan my
en strek uit jou hand
Sáám kom ons uit
aan die anderkant ♡

Posted on

DANKBAARHEID

Tel jou seëninge elke dag,
tel hul een vir een
Hou op worry, begin net lag
Kom ons huppel in die reën

Kan jy sien,
proe en hoor?
Word eers stil,
jy’s op die regte spoor…

Het jy ‘n dak oor jou kop?
Én kos én klere?
Kom ons hou op stres
en begin lewe!

Vrede vir julle ♡