VANDAG VIER EK MY MAMMA

Sy verjaar! En ek is soooo dankbaar vir wie sy is en wat sy vir ons beteken! Wat ‘n ongelooflike voorreg om mens se ouers in hierdie leeftyd nog by jou te kan hê…en die belangrike rol wat oupas en oumas in kleinkinders se lewens speel, is onvervangbaar… #dankbaar

Mamma jy het my méér
as 9 maande gedra
Dankie dat jy altyd daar is
as ek sou vra

‘n Ware voorbeeld
van ‘n sterk en dapper vrou
Jy’t my geleer om lief te hê
en Jesus met my hele hart te vertrou

Dankie dat ons kan deel,
kan kuier, kan lag,
Dat jy altyd jou álles gee
sonder om iets terug te verwag

Jou passie en lewenslus
is aansteeklik
Jou hart vir die dinge van die Here,
inspirerend

Veels geluk, mooie Mamma,
omdat jy verjaar!
Mag God Mamma (vir ons onthalwe)
nog baie jare spaar!