SONDAG-INSPIRASIE

GASSKRYWER

‘n Vrou se handsak
Deur Magda Burger

Iets waaroor haar man definitief nie praat nie. En in ons huis lyk my man of die donderweer hom gaan tref as hy iets in myne moet soek.
So elke kort-kort moet ek maar inklim en regpak. My Pandora’s box hou nogal interessante dinge in, veral as die seuns dit ook gebruik.

Ek kry nou die dag ‘n klip in my handsak. Net ‘n gewone klip. Niks spesiaals nie. Inteendeel ek het deksels swaar aan die ding gedra! Vies haal ek dit uit.

Toe besef ek hoe baie klippe dra ons in ons harte:
Al die onnodige gemors. Is nie lus om daai ou te vergewe nie, en dan bly ek maar vies elke keer wanneer ek aan daai een dink. Die gekrap as iemand die hele tyd vir my vra om iets te doen. Vriendelik te wees en ‘n nors antwoord terug te kry, en dan maar dae lank daaroor ontsteld te wees. Soveel irritasies wat elke dag se mooi uitsuig.

Haal die klippe uit. Maak jou hart ligter. Dan kan jy in elk geval meer liefde inpak wat jy weer in oorvloed kan uitdeel.

TRIPPE TRAPPE TONE

Ek’s seker ek hét gekyk waar die eerste trappie is. Ek’s amper 100% seker…

Hierdie mamma het heel Vrydag soos ‘n absolute vrot ma gevoel! Ek het met baba en al by ons boonste verdieping se trap afgeval. Darem net tot in die helfte van die trap…maar nogsteeds… 😬 Eina.

Met my baadjie onder die een arm, dummy & Telement in die hand, selfoon in die gatsak en baba op die heup, het ek aan die bopunt van die trap gestaan en vlugtig afgekyk. Ek was haastig. Ek misgis toe die tweede trap vir die eerste een, en daar steier ek vooroor, met enkels wat swik en voete wat skraap, soos ek probeer om vastrapplek te kry! Toe ek die teëls sien nader kom, en ons 2 aanhou gly, besef ek ons ontmoeting met die grond is onvermydelik. Ek probeer vir boetiebaba nader trek, maar met die momentum (en sy 10kg lyfie) “ka-plaks” ons boude-eerste op die harde teëltrap. Ek kreun, en boetie snak na sy asem – toe begin hy hartverskeurend huil. Gelukkig hou ek hom steeds vas (hy het genadiglik nie uit my arms geglip nie!) en alhoewel hy opsigself ‘okay’ lyk, kan ek hoor hy’s in pyn. Ek gil histeries vir my man om te kom help, en soos hy vir baba uit my arms tel, voel ek my eie seer: my elmboog, my linkerboud, my enkel (díé het alreeds ‘n golfbal-swelsel aan die vorm).

Ons uitstappie na Ongevalle en X-strale bevestig: geen gebreekte/gedislokeerde bene. Dankie, Vader. My enkel is net sleg verstuit. Maar boetiebaba het ‘n diep sny onder sy 3de toontjie… Só wag ons toe vir die chirurg wat hom heelmoontlik teater toe sal moet neem vir narkose en steke…

Die chirurg kom sien ons toe ‘n paar uur later in die kindersaal (genade, maar dis sleg om ‘n kind – wat nog te sê van ‘n borsvoedende baba – nil per mond te hou! Ek’t as dokter-mamma beslis nuwe perspektief en empatie bygekry). Steke is toe nie nodig nie! Ons kan sy voetjie konserwatief met verbande behandel – halleluja!

Oudste, met sy klein hartjie en kinderlike geloof, het by die huis al vir mamma en boetie se voete gebid. Pappa noem na die hele gedoente hoe hy tóé al gesien het hoe die voetjie se swelling sak…

Boetiebaba se naam-betekenisse het in hierdie (kort) 7 maande vir my werklik “lewendig” geword: Kampioen en God is genadig. Deur al die “trials & tribulations”…deur septiese skok en breinvliesontsteking en brongiolitis…en sy ma wat heel simpel was om nie aan die trapreëling vas te hou nie… Hy is ‘n dapper klein mensie & God is altyd genadig.

DIE “REGTE” DING

Hoe weet jy wat is die régte ding om te doen? In ‘n wêreld waar alles RELATIEF geword het: mý waarheid, jóú waarheid?

Hoe kies jy? Waarop maak jy staat? Intuïsie? “Gut” gevoelens? Besluite gebaseer op vorige ervarings? Wat sê die samelewing?

Ek besef net weer op hierdie vars nuwe Maandagoggend: my emosies kan my om die bos lei…dan voel ek sus en dan voel ek so. My vorige besluite was nie noodwendig die beste besluite nie…En die samelewing word tans ongelukkig met ‘n “anything goes”-uitkyk aan die slaap gesus…

Mag die Heilige Gees my hierdie week lei (en elke week wat kom!). Mag Hý my ware Noord wees. En mag ek werklik stil word…en na Sy stille fluisterstem lúíster. Sodat ek regtig kan weet wat die regte ding is om te doen.

INTIMITEIT

Volheid en glorie
My lewe, U storie
My begeertes, U drome
Geplant langs waterstrome

Stukkie vir stukkie
Word stil vir ‘n rukkie
Koester verhouding
Net dán kan dit uitkring

Gefluisterde soene
Trek uit my skoene
Bely met my mond
Dis Heilige grond

SONDAG-INSPIRASIE

“For God has not given us a spirit of fear, but of power and of love and of a sound mind.” 2 Timothy 1:7 NKJV

Vrees is simpel. En sommer net boos. Dit ketting jou vas en belemmer dít wat God reeds (deur Sy gees) in jou geplaas het: Sý krag, Sý liefde en (bonatuurlike) selfbeheersing. Vrees wil soos ‘n parasiet aan ons kom vasklou. Twyfel, onsekerheid oor wie ons is, ‘n konstante gedagte-oorlog en aanval op ons emosies – dít is die (vrot) saad wat vrees in ons lewens wil saai.

Vrees is een van die kragtigste wapens wat die vyand teen ons wil (en kan) gebruik. Dit is ‘n slinkse aanvaller van ons emosies, en as ons nie paraat is nie, kan dit ‘n vastrap-plekkie in ons gedagtewêreld kry!

Vrees sê vir ons ons gaan dit nie maak nie, ons is nie sterk genoeg nie, nie waardig genoeg nie, nie regtig geliefd nie en dat ons nie eintlik iets spesiaals het om te bied nie. Dís waar die vyand ons wil hê – hy wil hê ons moet die leuens glo. Vrees wil ons verlam – sodat ons nie in ons lewensdoel kan GROEI en FLOREER nie. Ons God-gegewe talente wil hy help begrawe. Ons liggie word liefs onder ‘n emmer gebêre – want wie is ons om só helder te skyn?

So, hoe veg ons teen hierdie vrees-gedagtes? Deur die 2de deel van die skrif ons eie te maak: God het, deur Sy Gees, vir ons Sý krag en Sý liefde én selfbeheersing gegee. Ons hoef nie op ons eie krag staat te maak nie!

Het jy geweet: God se volmaakte liefde verdryf vrees? Ek vra Hom vandag om my te help om elke negatiewe- & vreesagtige gedagte gevangene te neem en te onderwerp aan Hom en Sy volmaakte VREDE & LIEFDE.

“Waar liefde is, is daar geen vrees nie, maar volmaakte liefde verdryf vrees, want vrees verwag straf, en wie nog vrees, het nie volmaakte liefde nie. Ons het lief omdat God ons eerste liefgehad het.”
1 JOHANNES 4:18-‬19 AFR83

“Die Heilige Gees, wat deur God aan ons gegee is, is nie lafhartig nie, maar sterk. Hy maak ons ook sterk, gee vir ons liefde vir ander en help ons om nie verkeerde dinge te doen nie.” 2 Timoteus 1:7 DB

Oh ja, en mammas, onthou om vandag te SKYN! ♡

SONDAG-INSPIRASIE

Bethel se liedjie, TAKE COURAGE, speel al die hele naweek op “repeat” in my gedagtes! Hoe mooi is dié woorde? Ek deel gou ‘n uittreksel van die liedjie: (gaan luister hom!😊)

“Slow down, take time
Breathe in He said
He’d reveal what’s to come
The thoughts in His mind
Always higher than mine
He’ll reveal all to come

Take courage my heart
Stay steadfast my soul
He’s in the waiting
He’s in the waiting
Hold onto your hope
As your triumph unfolds
He’s never failing
He’s never failing

Sing praise my soul
Find strength in joy
Let His Words lead you on
Do not forget His great faithfulness
He’ll finish all He’s begun

So take courage my heart
Stay steadfast my soul

He’s in the waiting
He’s in the waiting
Hold onto your hope
As your triumph unfolds
He’s never failing
He’s never failing

And You who hold the stars
Who call them each by name
Will surely keep, Your promise to me
That I will rise, in Your victory
And You who hold the stars
Who call them each by name
Will surely keep, Your promise to me
That I will rise, in Your victory!”

Die Hebreeuse woord vir WAG is Qavah en dit beteken “om te wag, om te hoop vir iets, om uit te kyk vir iets wat jy verwag om te sien gebeur”.

Soms is dit baie moeilik om enige iets anders as jou probleme raak te sien. Dit verg dalk oefening om jou gedagtes op Hom en Sy beloftes te fokus.

Kies ‘n spesifieke skrif wat op jou situasie van toepassing is. Skryf dit neer op ‘n kaartjie of maak dit jou foon se agtergrond-prentjie. Elke keer wat jy bekommerd wil raak en fokus op jou huidige situasie, haal die kaartjie uit/plak dit teen jou spieël/lees dit op jou foon.

Soos jy vandag met hoop & ‘n nuwe verwagting op Hom wag, laat toe dat hy jou help om jou gedagtes op Hom & Sy beloftes te fokus. En wanneer jy kragteloos voel, draai na die Kragtigste Een. Onthou Paulus se woorde in Romeine 8:

“For I consider that the sufferings of this present time are not worth comparing with the glory that is to be revealed to us.” Romans 8:18 ESV

Gaan lees sommer die hele Romeine 8 😉 Dit het my opnuut aangespoor.

Seën vir julle! ♡

MY REGTERHAND

Ek wil graag Vrouemaand met ‘n storie oor ‘n merkwaardige vrou, afsluit. Sy is my kinders se oppasser, ons huishoudster en inspireer my daagliks. Makhulu. Ouma.

Deur die venster sien ek hoe die klein, fyn vroutjie nader stap. Ons interkom-klokkie lui en ek weet dis sý. Sy’s perfek op tyd vir werk. Sy moes vanoggend ver stap – vanaf die taxi ranks ‘n bus vang, en dan weer ‘n ent se stap tot by ons huis aan die bopunt van die woonbuurt. Ek sluit solank die voordeur oop en Rupert spring opgewonde onder my voete rond. Hy’s bly dat sy hier is – sy’s nog van die min mense wat behoorlik vir hom aandag gee (ongelukkig met die 2 kleintjies in die huis het ons interaksie met Rupert afgewater na “af Rupie” en “nee, Rupie”!)

Soos sy nader kom, kan mens sien sy stap effe mank. Net effens. As jy mooi kyk, is die letsel steeds daar…maar haar postuur is regop. Sý is ‘n trotse vrou.

Ek vertrou niemand anders met my kinders nie. Sy het 4 van haar eie stoksielalleen grootgemaak en dan was sy ‘n tweede mamma vir Oudste toe ek moes teruggaan werk toe.

My Regterhand. Ek ken min vroue soos sy. Die diep, donker valleie wat sy al moes trotseer, wens ek nie eers my vyand toe nie. En steeds bly sy staande. Ten spyte van al die uitdagings, die trauma, die hartseer en die pyn.

In 2015 is haar een nier verwyder. Daar was ‘n verdagte sistiese letsel op die ‘MRI scan’ en so moes die nier toe uit. Dit was ‘n hengse operasie en die herstel was lank… Intussen het sy ook met ‘n simpel senuwee in haar onderbeen gesukkel. Dié het naalde en spelde en soms ‘n dooie gevoel veroorsaak.

In 2016 verloor sy haar permanente werk by ander mense wat verhuis het – dít was ons gesin se redding. Haar aanvanklike verlies en hartseer was ons wonderwerk. Ek moes terug werk toe, en wou bittergraag my seuntjie in bekende hande los…

2018 was ‘n ‘rollercoaster’ van siekte, skok, hartseer, letterlike pyn en wonderbaarlike oorwinnings. Sy is postmenopausaal en het ewe skielik swaar begin vloei…vir 2 maande lank. Sy is kort daarna met Endometriële kanker (binnewand van die baarmoeder) gediagnoseer en moes Tygerberg toe vir ‘n totale histerektomie…dank Vader, dit het nog nie versprei nie, en sy is toe 100% genees!

Tydens haar verjaarsdag in November het sy gesien en beleef wat geen ma ooit moet beleef nie: haar seun, haar jongste kind, is deur ‘n bende aangeval by die nabye kafee toe hy gaan lugtyd koop het. Hy is wreedaardig met ‘n panga verniel en vir die dood agtergelaat. Deur God se genade het hy merkwaardig herstel.

Dit bring ons by hierdie jaar. Die beroerte in Maart-maand het nie haar lewe geneem nie, maar dit het wel ‘n litteken gelos.
Die 2de aanval op haar seun (dié keer met ‘n koeël in die been) het seker die grootste wond agtergelaat…

My Regterhand. Sy bly steeds staande. Sy bly steeds trots en terselfdertyd nederig… en vol liefde. Al voel sy self swak, is sy sterk. In Hom. En vir ons.






MINDER||WAARDIG

20 voor 7 op ‘n doodgewone Dinsdagaand. Ek borsvoed vir Boetie-lyfie aan die slaap…Ek weet ek moet eerder my Bybel ‘app’ oopmaak…maar hier vind ek my weer breindood deur Instagram se ‘news feed’ blaai….en daar’s dit weer. Dáái effense gevoel van ongelukkigheid. Is dit ontevrededenheid? Ek voel krapperig. Ek sit en vergelyk my híér en nóú met die helder prentjie-perfekte beelde wat my deur hierdie een-dimensionele selfoonskermpie aangluur.

En ek voel skielik…wat is die woord waarvoor ek soek…’inadequate’. Nie goed genoeg nie? Minder…waardig.
Maak dít wat ek doen enigsins ‘n verskil?

Minderwaardigheid verlam jou. Jy voel gede-aktiveer. Jy voel skielik…niks. Jy hou op glo. Jy hou op groei. Jy hou op blom. “You become inward focused instead of outward focused.” En dis presies wat die vyand wil hê: as jy deur hierdie leuens verlam word, kan jy nie effektief wees en jou volle potensiaal bereik nie – die lewensdoel waarvoor jý geroep is.

Mede-mamma. Hierdie skryf ek vanaand vir myself. Maar dalk moet jy dit ook lees…
Jy het ‘n belangrike rol te speel. En die impak is ver groter as wat jy in jou leeftyd sal verstaan.

Wat is jou sfeer van invloed?
Kyk om jou. Jou man? Jou kinders? Jou ouers? Jou vriendinne, werkskollegas, pasiënte, kliënte… Die onnies by jou kinders se skool, die vroutjie agter die ‘till’ of die petroljoggie, koerantverkoper, karwag… Jy kry die idee. Elke liewe dag raak jy iemand aan. Al is dit net deur te glimlag.

》》》》Don’t ever stop believing, dreaming, pursuing, achieving… Make an impact. Make your mark.《《《《

Hoe mooi is hierdie?
“Men and women who have lived wisely and well will shine brilliantly, like the cloudless, star-strewn night skies. And those who put others on the right path to life will glow like stars forever.”
Daniel 12:3 MSG

JY IS WAARDIG. SKYN ☆

Vrede ♡