Posted on

TUISGEBAKTE BROOD

Hierdie resep is eenvoudig, maklik & vinnig… Perfek vir dié besige mamma van 2!

Plus! Dis ‘n gesonder opsie, sonder al die bymiddels en preserveermiddels van gekoopte massaproduksie-brood.

3 koppies bruin brood meel (ek gebruik 1wit & 2bruin)
2 koppies louwarm water
1 teelepel gis (‘instant yeast’)
1 teelepel sout

Meng droë bestanddele saam in ‘n groot mengbak. Voeg die louwarm water by en meng. Plaas deeg-mengsel in ‘n gesmeerde broodpannetjie. Kan bo-op met saadjies versier. Laat dit vir so uur op ‘n warm plek rys (bedek met ‘n doek, moenie in direkte sonlig sit nie). Ek skakel sommer solank die oond tot net-net aan en laat dit in die lou oond rys! 😉 Bak broodjie teen 180grade vir 30-40minute. (toets na 30min!)

Geniet! ♡
Dankie aan Nicole Wiese van @ardobreastfeedingsa vir die heerlike resep!

Oh ja, praat van ARDO! Onthou, jy kan 10% afslag kry op enige borsvoedingsprodukte (borspompe, ‘breast pads’ ens.) wanneer jy my Promosiekode gee: MM10. Woweeee! E-pos na nicole@ardo.co.za vir meer inligting.

ARDO is ‘n Switserse maatskappy wat topgehalte mediese produkte, asook mamma- en babaprodukte vervaardig. Gaan loer gerus op hul webblad: https://ardo.co.za/

Posted on

KLEUTER-REDENASIES

Mamma-wees beteken elle-lange kreatiewe redenasies met jou ‘mini-me’.

Medicine Mommy SA

Ons is alweer op die antibiotika-trein…Oudste het middeloorontsteking. Eina.
Maar “high5” vir hom, want hy is ‘n regte kampioen – glimlag steeds en kla basies niks.

Die probleem kom egter in as dit medisyne-tyd raak…Die melkerige mengsel met die meelerige tekstuur en bitter na-smaak laat niemand se mond water nie! Nog minder ‘n amper 3-jarige s’n. Liewe genade, kon die stropie nie maar sjokolade- of selfs bessiegeur gewees het nie? – so aanloklik soos die Vitamien-beertjies of Reuterina koutablette! Dáái eet hy met graagte. Hy vra sommer vir nog!

Vandag was dit weer ‘n omkopery met appelsap (die bitter medisyne het in ‘n Paw Patrol glasie saam met die soet sap opgeëindig) – dít wou hy steeds nie drink nie. “Néé, mamma, hoekom? Hoekom moet ek dit drink?!” (Ja, ons is op die “hoekom” stadium…volgende storie dalk?) Natuurlik verduidelik ek…maar my antwoorde beïndruk Meneer maar min.

Toe word hy ge”bribe” met ‘n einste Vitamien-beertjie…maar toe die een beertjie nie die “trick” doen nie, maak ek toe maar die omkoopprys meer aanloklik en bied noodgedwonge 2 aan. Hierdie taktiek het gewerk, en ons kon aanbeweeg na die Calpol-stroop. Gewoonlik word só koppie sonder te veel bohaai afgesluk, maar vandag moes hierdie mamma maar ‘n Paw Patrol episode inruil vir die Calpol-drankie aanbied.

Mammas, sê my julle kan ‘relate’ ? 🙈🙃

(Diep asemhaal, tel tot…20… en nogsteeds) Vrede 😉,
Alyssa ♡