Posted on

SONDAG-INSPIRASIE

GASSKRYWER

‘n Vrou se handsak
Deur Magda Burger

Iets waaroor haar man definitief nie praat nie. En in ons huis lyk my man of die donderweer hom gaan tref as hy iets in myne moet soek.
So elke kort-kort moet ek maar inklim en regpak. My Pandora’s box hou nogal interessante dinge in, veral as die seuns dit ook gebruik.

Ek kry nou die dag ‘n klip in my handsak. Net ‘n gewone klip. Niks spesiaals nie. Inteendeel ek het deksels swaar aan die ding gedra! Vies haal ek dit uit.

Toe besef ek hoe baie klippe dra ons in ons harte:
Al die onnodige gemors. Is nie lus om daai ou te vergewe nie, en dan bly ek maar vies elke keer wanneer ek aan daai een dink. Die gekrap as iemand die hele tyd vir my vra om iets te doen. Vriendelik te wees en ‘n nors antwoord terug te kry, en dan maar dae lank daaroor ontsteld te wees. Soveel irritasies wat elke dag se mooi uitsuig.

Haal die klippe uit. Maak jou hart ligter. Dan kan jy in elk geval meer liefde inpak wat jy weer in oorvloed kan uitdeel.

♡

Posted on

DIE “REGTE” DING

Hoe weet jy wat is die régte ding om te doen? In ‘n wêreld waar alles RELATIEF geword het: mý waarheid, jóú waarheid?

Hoe kies jy? Waarop maak jy staat? Intuïsie? “Gut” gevoelens? Besluite gebaseer op vorige ervarings? Wat sê die samelewing?

Ek besef net weer op hierdie vars nuwe Maandagoggend: my emosies kan my om die bos lei…dan voel ek sus en dan voel ek so. My vorige besluite was nie noodwendig die beste besluite nie…En die samelewing word tans ongelukkig met ‘n “anything goes”-uitkyk aan die slaap gesus…

Mag die Heilige Gees my hierdie week lei (en elke week wat kom!). Mag Hý my ware Noord wees. En mag ek werklik stil word…en na Sy stille fluisterstem lúíster. Sodat ek regtig kan weet wat die regte ding is om te doen.

♡

Posted on

KREATIWITEIT

Ek het die laaste week of wat gevoel ek ly bietjie aan “writer’s block”…

Daar was ‘n swetterjoel van emosies – opwinding, vreugdes en effense senuagtigheid – maar ek kon nét nie my gedagtes kreatief inryg en sinvol verwoord nie!

So, ‘n mens kan glo nie jou kreatiwiteit OP gebruik nie… En hoe méér kreatief jy is en jou passie uitleef, hoe meer GROEI dit…Maar my woorde hét min geword.

Ek word toe stil in Boetie se kamer (deesdae is dit my plek van stiltetyd hou, met Kleinboet in my arms)! En sjoe, ons Pappa-God is getrou – ek ervaar: my kreatiwiteit is ‘n uitvloeisel van my verhouding met Hom (die beste skrywer, skilder, pottebakker en algehele Skepper)…

Belê in ONS verhouding, en kreatiwiteit sal die vrug daarvan wees.

♡

Posted on

INTIMITEIT

Volheid en glorie
My lewe, U storie
My begeertes, U drome
Geplant langs waterstrome

Stukkie vir stukkie
Word stil vir ‘n rukkie
Koester verhouding
Net dán kan dit uitkring

Gefluisterde soene
Trek uit my skoene
Bely met my mond
Dis Heilige grond

♡

Posted on

SONDAG-INSPIRASIE

“For God has not given us a spirit of fear, but of power and of love and of a sound mind.” 2 Timothy 1:7 NKJV

Vrees is simpel. En sommer net boos. Dit ketting jou vas en belemmer dít wat God reeds (deur Sy gees) in jou geplaas het: Sý krag, Sý liefde en (bonatuurlike) selfbeheersing. Vrees wil soos ‘n parasiet aan ons kom vasklou. Twyfel, onsekerheid oor wie ons is, ‘n konstante gedagte-oorlog en aanval op ons emosies – dít is die (vrot) saad wat vrees in ons lewens wil saai.

Vrees is een van die kragtigste wapens wat die vyand teen ons wil (en kan) gebruik. Dit is ‘n slinkse aanvaller van ons emosies, en as ons nie paraat is nie, kan dit ‘n vastrap-plekkie in ons gedagtewêreld kry!

Vrees sê vir ons ons gaan dit nie maak nie, ons is nie sterk genoeg nie, nie waardig genoeg nie, nie regtig geliefd nie en dat ons nie eintlik iets spesiaals het om te bied nie. Dís waar die vyand ons wil hê – hy wil hê ons moet die leuens glo. Vrees wil ons verlam – sodat ons nie in ons lewensdoel kan GROEI en FLOREER nie. Ons God-gegewe talente wil hy help begrawe. Ons liggie word liefs onder ‘n emmer gebêre – want wie is ons om só helder te skyn?

So, hoe veg ons teen hierdie vrees-gedagtes? Deur die 2de deel van die skrif ons eie te maak: God het, deur Sy Gees, vir ons Sý krag en Sý liefde én selfbeheersing gegee. Ons hoef nie op ons eie krag staat te maak nie!

Het jy geweet: God se volmaakte liefde verdryf vrees? Ek vra Hom vandag om my te help om elke negatiewe- & vreesagtige gedagte gevangene te neem en te onderwerp aan Hom en Sy volmaakte VREDE & LIEFDE.

“Waar liefde is, is daar geen vrees nie, maar volmaakte liefde verdryf vrees, want vrees verwag straf, en wie nog vrees, het nie volmaakte liefde nie. Ons het lief omdat God ons eerste liefgehad het.”
1 JOHANNES 4:18-‬19 AFR83

“Die Heilige Gees, wat deur God aan ons gegee is, is nie lafhartig nie, maar sterk. Hy maak ons ook sterk, gee vir ons liefde vir ander en help ons om nie verkeerde dinge te doen nie.” 2 Timoteus 1:7 DB

Oh ja, en mammas, onthou om vandag te SKYN! ♡

Posted on

SONDAG-INSPIRASIE

Bethel se liedjie, TAKE COURAGE, speel al die hele naweek op “repeat” in my gedagtes! Hoe mooi is dié woorde? Ek deel gou ‘n uittreksel van die liedjie: (gaan luister hom!😊)

“Slow down, take time
Breathe in He said
He’d reveal what’s to come
The thoughts in His mind
Always higher than mine
He’ll reveal all to come

Take courage my heart
Stay steadfast my soul
He’s in the waiting
He’s in the waiting
Hold onto your hope
As your triumph unfolds
He’s never failing
He’s never failing

Sing praise my soul
Find strength in joy
Let His Words lead you on
Do not forget His great faithfulness
He’ll finish all He’s begun

So take courage my heart
Stay steadfast my soul

He’s in the waiting
He’s in the waiting
Hold onto your hope
As your triumph unfolds
He’s never failing
He’s never failing
…
And You who hold the stars
Who call them each by name
Will surely keep, Your promise to me
That I will rise, in Your victory
And You who hold the stars
Who call them each by name
Will surely keep, Your promise to me
That I will rise, in Your victory!”

Die Hebreeuse woord vir WAG is Qavah en dit beteken “om te wag, om te hoop vir iets, om uit te kyk vir iets wat jy verwag om te sien gebeur”.

Soms is dit baie moeilik om enige iets anders as jou probleme raak te sien. Dit verg dalk oefening om jou gedagtes op Hom en Sy beloftes te fokus.

Kies ‘n spesifieke skrif wat op jou situasie van toepassing is. Skryf dit neer op ‘n kaartjie of maak dit jou foon se agtergrond-prentjie. Elke keer wat jy bekommerd wil raak en fokus op jou huidige situasie, haal die kaartjie uit/plak dit teen jou spieël/lees dit op jou foon.

Soos jy vandag met hoop & ‘n nuwe verwagting op Hom wag, laat toe dat hy jou help om jou gedagtes op Hom & Sy beloftes te fokus. En wanneer jy kragteloos voel, draai na die Kragtigste Een. Onthou Paulus se woorde in Romeine 8:

“For I consider that the sufferings of this present time are not worth comparing with the glory that is to be revealed to us.” Romans 8:18 ESV

Gaan lees sommer die hele Romeine 8 😉 Dit het my opnuut aangespoor.

Seën vir julle! ♡

Posted on

YOU KNOW ME

You know my frame
You sense my fears
You hear my laughter
You see my tears

You breathe out
And I breathe in
When I’m at my end
That’s where You begin

If I make mistakes
If I stumble and fall
Your grace is sufficient
You forgive it all

Your love is outrageous
It’s intense and it’s sweet
Despite all my failures
You swept me off my feet

Your love reassures me:
“To sometimes doubt is okay
If you draw closer to Me
I will meet you halfway”

♡

Alyssa Loftus @medicinemommy

Posted on

GASSKRYWER

AANNEMING // ADOPTION

Deur dr. Lindé Marais

Ek het reeds op skool ervaar dat aanneming deel van my toekoms sou wees. Voor ek en Francois getroud is, het ons ‘n belangrike gesprek oor aanneming gehad, minwetend dat ek jare later só PASSIEVOL daaroor sou voel…
Ek kan nog presies onthou waar ons was toe ek hom vra hoe hy oor aanneming voel…en wonderbaarlik was hy oop vir die idee.

Hierdie DROOM (en passie) het vir ‘n hele aantal jare dormant bly lê…
Aan die begin van 2018, het ek gevoel God is besig om die droom binne my wakker te maak (daar was n soort ‘stirring’ in my gees) en ek het ervaar ek moet begin navorsing oor aanneming doen: die proses, hoe en waar mens dit doen, en natuurlik, wat sê die Woord.

Hoe meer ek opgelees het, hoe meer het ek begin besef dat dit nog altyd deel van God se plan was. Sy groter plan. Met almal van ons.
Daar is 3 goeie preke oor aanneming wat hierdie baie goed verduidelik. (Sien 👉skakel hieronder) Nadat ek daarna geluister het, kan ek nie glo hoe BLIND die vyand ons gemaak het nie…

God het ONS as sy kinders aangeneem! Hy het nie gevra waar ons vandaan kom en wat ons gedoen het om sy liefde te verdien nie. Hy het ons bloot net Sy kinders gemaak. Dáárom is waar ons vandaan kom of wat ons in ons verlede gedoen het, nou irrelevant. WANT Hy is ons Pa en ons is Sy kinders! Ons is nou in ‘n nuwe bloedlyn, die verlede word as’t ware uitgevee, en ons word NUUTSKEPPINGS in Hom en deur Hom.

Jesus het ons gered! (Dit is bo-my-verstand wonderbaarlik.) Maar dit eindig nie daar nie. Nadat ons deur Jesus gered is, word ons deel van God se FAMILIE. Ons word ERFGENAME. Dit is juis in híérdie familie wat ons lewe in OORVLOED kan ervaar.

So, vir my beteken aanneming: LEWE IN OORVLOED. Deur die voorbeeld van my Vader te volg, ontvang ek en my gesin dus lewe in oorvloed. Ons red niemand nie – dít is Jesus se werk. Deur aanneming, tree ons net in ‘n lewe van oorvoed in.

♡

NS. Onthou om die skakel te volg as jy meer wil lees en luister:
👇
https://austinstone.org/resources/sermons/series/49–adopted