DANCE WITH ME

Do you realise
how precious you are?
I know your every freckle
I know every scar
I’ve seen every heartache
and tear you have cried
I’ve been here all along
with My arms open wide
Even when you walked away
I never asked why
I’ll always take you back
after you said goodbye
My heart swells with love
when you walk into the room
My love is in every rainbow
It’s in every flower’s bloom
Have you read My love letters?
Have you heard My heart beat?
It’s written in the lives
of every person that you meet
I’m watching you with interest,
I’m cheering you on!
Much sooner than you may realise
this life will soon be gone…
Please take my hand
and I will take the lead
You are no longer in bondage:
by My grace you are freed!
Will you open your heart?
Or pretend not to see?
Come, My love,
will you dance with Me?

♡ A.L.

STAPSOLDAATJIE

Hierdie gediggie is opgedra aan my Oudste. Sy naam beteken nie verniet “Brave warrior” of “dapper in die stryd” nie! Toe ek 14 weke swanger was met hom het my blindederm gebars. Ek moes ‘n noodoperasie kry… voor die narkotiseur my in teater instoot, buk sy af en kyk stip in my oë: “Jy besef daar is soos ‘n 80% kans dat jou babatjie kan aborteer?”

Ten spyte van alles, is Oudste vandag lewend en gesond.

Blou-gevlekte vingertjies
En kleine modder-voetjies
Skulpie-oortjies, Glimlag-bekkie
Knop-neusie met son-sproetjies

Klim en klouter, klein kabouter
Spring en hop, balle skop
Swaai swaai, skoppelmaai
Skaterlag en kekkelkraai

Inkleur, teken, blokkies bou
Die hoogste toring –
“Hier’s hy nou!”
Jou ogies blink, jy glimlag trots
“Die wyse man bou sy huis op die rots!”

Rympies opsê, liedjies sing
Handjies klap, dans in ‘n kring
Resies hardloop – “Ek gaan wen!”
Wat ‘n voorreg om jou te ken!!

VANDAG VIER EK MY MAMMA

Sy verjaar! En ek is soooo dankbaar vir wie sy is en wat sy vir ons beteken! Wat ‘n ongelooflike voorreg om mens se ouers in hierdie leeftyd nog by jou te kan hê…en die belangrike rol wat oupas en oumas in kleinkinders se lewens speel, is onvervangbaar… #dankbaar

Mamma jy het my méér
as 9 maande gedra
Dankie dat jy altyd daar is
as ek sou vra

‘n Ware voorbeeld
van ‘n sterk en dapper vrou
Jy’t my geleer om lief te hê
en Jesus met my hele hart te vertrou

Dankie dat ons kan deel,
kan kuier, kan lag,
Dat jy altyd jou álles gee
sonder om iets terug te verwag

Jou passie en lewenslus
is aansteeklik
Jou hart vir die dinge van die Here,
inspirerend

Veels geluk, mooie Mamma,
omdat jy verjaar!
Mag God Mamma (vir ons onthalwe)
nog baie jare spaar!

LEWENSDOEL

Jesus, Jesus
‘n Veilige vesting is U naam
Die naam waaraan ek vasklou
as alles rondom my vergaan

My stem is weg
My bene bewe
Sal U ooit my
(ongeloof)
kan vergewe?

Met knieë gebuig
en arms omhoog
My oë is nat,
maar my keel is droog

In die reënboog óf die reën
In die swaarkry óf die seën

U bly dieselfde
U bly getrou
As die lewe skaaf
kan U breek en bou

Wie ek is
is vir U glorie
In my hart
skryf U U storie

Ware liefde
en sielsgenoot
Aanmekaar geweef
in my moederskoot

In U palms
staan my naam
My lewensdoel
bereik ons sáám.

SAAM

Sáám kan ons berge versit. Sáám kan ons oorwin. Sáám kan ons die wêreld verander. Een goeie daad op ‘n slag. Een glimlag op ‘n slag.

Moenie toelaat dat enige iemand (dis eintlik net die vyand) jou minderwaardig laat voel nie. Jy is uniek. Met al jou talente en gawes en letsels en tekortkominge en foute en al.

Ons het mekaar nodig.

Sáám.

Vrede, liefste mammas

Asseblief hou op
om jouself te vergelyk
Jy’s uniek en mooi
As mens binne kyk:
Jy is dapper
Jy is sterk,
Elke letsel
Elke merk –
skets in detail
jou verlede
Jy’t gekom tot híér
vir ‘n rede
Tree nader aan my
en strek uit jou hand
Sáám kom ons uit
aan die anderkant ♡

YOU KNOW ME

You know my frame
You sense my fears
You hear my laughter
You see my tears

You breathe out
And I breathe in
When I’m at my end
That’s where You begin

If I make mistakes
If I stumble and fall
Your grace is sufficient
You forgive it all

Your love is outrageous
It’s intense and it’s sweet
Despite all my failures
You swept me off my feet

Your love reassures me:
“To sometimes doubt is okay
If you draw closer to Me
I will meet you halfway”

Alyssa Loftus @medicinemommy

EVA

Het jy geweet?
God se skepping was eers vervolmaak die oomblik toe JY gevorm is.

Jy is die toonbeeld van God se koesterende karakter – jou vroulikheid, jou innerlike krag, jou dans, jou lag.

Jy voed, versorg, genees, bedaar, bemoedig, versterk.
Jy gee jou álles.

Eva, jy met jou loshare, met jou nat hare, met jou ‘ponytail’, met jou mamma-bolla.

Jy, met jou rooi lippe, met jou ‘nude’ lippe, met jou smokey eyeshadow en donker maskara.

Jy, met jou skoon gesig, jong gesig, plooi gesig, dalk-‘n-puisie-of-drie gesig.

Jy, met jou sweetpakbroek, met jou blommerok, met jou hoëhakskoene of jou gehekelde ‘slippers’.

Eva, met jou spiere, met jou ferm lyf. Eva, met jou drie maagrolletjies, met al jou kurwes.

Jy.

Punt.

Nie maar nie…of nie…want nie…

Net jy, Eva.
Jy was nog altyd (goed) genoeg.
Vanaf die begin van tyd.

Vreugdevolle Vrouedag, liefste mammas!





DANKBAARHEID

Tel jou seëninge elke dag,
tel hul een vir een
Hou op worry, begin net lag
Kom ons huppel in die reën

Kan jy sien,
proe en hoor?
Word eers stil,
jy’s op die regte spoor…

Het jy ‘n dak oor jou kop?
Én kos én klere?
Kom ons hou op stres
en begin lewe!

Vrede vir julle ♡

MAGTELOOS

Voel ander mammas ook so magteloos?
Ek wil jou net só graag troos…
Ek voel ek het al ALS probeer
Maar hoekom klink jy steeds hartseer?
Jou skrille-skreeu sny tot binne my
Niks sou my óóit kon voorberei
Soms voel ek vreeslik swak en dom
Hierdie is my beste poging
Al is dit skeef en krom
Weet net mamma is SO lief vir jou
En wil jou altyd naby hou.


Ek wens ek het geweet hoe om jou te troos…ek wens jy kon my sê…dit lyk of jy in pyn is….dalk ‘n wind wat vassit? Dalk krampe? Dalk oorpyn? Miskien kry jy tande? (Dis dalk nog ‘n bietjie te vroeg daarvoor…) Kry jy koud? Kry jy te warm? Jou doek is droog. Ek’t dit sopas geruil. Is jy nog honger?…

Klink dit vir jou bekend?
Voel jy ook so? Het jy ook al herhaaldelik deur dié soort lysie in jou kop gegaan?

Vrede vir jou, mede-mamma.

VADERSDAG 2019

Gelukkige Vadersdag aan al die Pappas en Oupas!

Ek het hierdie GEDIG ‘n hele paar jaar gelede vir my aardse Pa geskryf. En vandag is ek so dankbaar vir die rots en steunpilaar wat hy vir my was en steeds is. Vandag is hy ‘n wonderlike Oupa vir ons twee kabouters en ek wéét hy gaan in hulle lewens ook ‘n belangrike rol speel.

Vandag kan ek ook met ‘n ongelooflike dankbare hart sê dat my wederhelfte die beste man en Pappa vir ons twee seuns is: ‘n man wat God se wil vir sy en ons lewens soek, wat my kom leer het wat onvoorwaardelike liefde is, wat sterkstaan wanneer ek soos jellie voel en wat ‘n absolute ‘hands-on’ en betrokke Pappa is.

Liefde & Vrede
Alyssa

Sterke man van God,
geanker, rotsvas
diepgegronde fondasie
draer van geluk en las


Son: verteer, skroei
Sy arms uitgestrek – skadu, koel
tyd staan stil. Rus.
bedaar, ervaar, vóél


Vlerke omvou, omring
ek, kind só weerloos
bondel sagte dons, beskerm
troos en liefkoos


Groot hart. Dapper man.
Veg teen mens en ‘onrein dier’
“Vrede, moenie vrees,
want Ek is hier.”

– Alyssa Loftus