OP DIE KLOK

Vir dié wat hierdie nog nie gelees het nie.
Óf wat dit net weer moet hoor… soos ek. Want ons is steeds op die 2-uurlikse klok…

☆     ☆     ☆     ☆     ☆     ☆

Wie is tans saam met my wakker? As jy ‘n mamma is (of selfs ‘soon to be’, want kom ons wees eerlik: daai klein lyfie bons behoorlik op jou blaas hier teen die einde!) is die kanse goed jy is eeeeeen of ander tyd deur die nag op.

Of dit nou borsvoeding of bottelvoeding is, piepies en sopnat-bednatmaak-want-die-doek het-gelek, die “gewone” nommer2’s en doekruil of die buitengewone projektiele oepsies en waterkaskenades (ons het een keer die fout gemaak om toe te laat dat ouboet ‘waaaaay’ te veel olywe eet…en die GEVOLGE daarvan gedraaaa! Ek meen komaaaaan, watter 2-jarige hou so baie van olywe??), of dit tandekry of koors of wakker-hoes of snotneusies is (daar’s min dinge so sleg soos ‘n baba met ‘n toeneus…Sien “Ag dis sommer…snollies”), of selfs ‘night terrors’ (dis glo vreesaanjaend!! Jou klein mensie skree en huil en is eintlik nog vas aan die slaap)…
Middernagtelike wakkerwees-sessies kén ons mammas van…

Vanaand is ek weer ‘on the clock’ – my boetiebaba drink elke 2 ure. Gulsige knapie dié… Ek’t vanaand gelukkig die kans gekry om vroeg in die bed te kruip, so kon darem ‘n voornag-slapie inkry! Maar weë o weë, môre voel dit maar weer of ek in die ’twilight zone’ rondsweef, al hoog-trappende met ‘n wollerigheid in my kop…

Inelkgeval, mede-mamma, ‘this too shall pass’. Vasbyt en wees sterk en maak maar daai 2de koppie oggendkoffie (in my geval is dit meer soos “eet maar daai blokkie fudge, al is dit nou eers 8uur die oggend”)!

Jou opofferrings en min slaap word raakgesien.
En ons gaan anderkant uitkom en dit gaan okay wees.

Vrede,
Alyssa

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s